
Мәскеудегі Қызыл алаңда Жеңістің 75 жылдығына арналған әскери парад басталды. Бұқаралық ақпарат құралдары салтанатты шараны тікелей эфирден көрсетіп жатыр.
Парадты Ресей Федерациясының Қорғаныс министрі Сергей Шойгу қабылдап, қарулы күштерді мерекелі датамен құттықтады. Владимир Путин сөз сөйлеп, бір минуттық үнсіздік жариялады. Ол Әзербайжан, Армения, Қазақстан, Қырғызстан, Қытай, Сербия, Түркіменстан, Тәжікстан, Монғолия, тағы басқа елдердің жеңіске қосқан үлесін атап өтті.
Қызыл алаңда Владимир Путинмен Қазақстан Республикасының Президенті Қасым-Жомарт Тоқаев, Беларусь басшысы Александр Лукашенко, Өзбекстан Президенті Шавкат Мирзиеев, Тәжікстан Президенті Эмомали Рахмон, Сербия Президенті Александр Вучичтың отырғанын көруге болады.
Парадқа 14 мыңнан аса әскери қызметкерлер тартылған. Қазақстан атынан подполковник Ұлан Нұрғазиев бастаған 55 десанттық шабуылдаушы сарбаз Қызыл алаңмен жүріп өтті.
Еске салсақ, салтанатты шеру коронавирус пандемиясына байланысты 9 мамырда өтпей, 24 маусымға ауыстырылған болатын.