
Коронавирус қаупіне байланысты Ақордадағы мерекелік жиын өтпейді. Бизнес, өнер, мемлекеттік қызмет немесе басқа да салаларда елге еңбегі сіңген қыз-келіншектер жылда 8-ші наурыз қарсаңында Президенттің қабылдауында болатын. Твиттердегі парақшасында Президент Қасым-Жомарт Тоқаев коронавируске байланысты осындай шешім қабылдағанын жазды.Бұл туралы КТК телеарнасы хабарлады.
Қасым-Жомарт Тоқаев, Қазақстан Республикасының Президенті:
— Халықаралық әйелдер күніне орай Нұр-Сұлтан қаласында жоспарланған салтанатты жиын мен мерекелік концертті өткізбеу жөнінде шешім қабылдадым. Бұл әлемде коронавирустың таралуына байланысты қауіпсіздік шарасы үшін жасалып отыр. Ардақты аналар мен аруларға зор денсаулық, бақ-береке тілеймін».