Тоқаев қазақстандықтарды медицина қызметкері күнімен құттықтады

Қазақстан Президенті Қасым-Жомарт Тоқаев Twitter желісіндегі парақшасында денсаулық сақтау жүйесінің қызметкерлерін кәсіби мерекесімен құттықтады, — деп хабарлайды Tengrinews.kz.

«Денсаулық сақтау саласының мамандарын Медицина қызметкері күнімен құттықтаймын! Дәрігерлердің кәсібилігі, антқа адалдығы мен жылы жүрегі адамның тәнін ғана емес, жанын да емдейді. Ақ халатты абзал жандарға мықты денсаулық, мол табыс тілеймін!», — деп жазды Президент. Медицина қызметкерлерінің күні жыл сайын маусым айының үшінші жексенбісі Қазақстанда атап өтіледі. Оны тойлау Қазақстан Республикасы Президентінің Жарлығымен 1998 жылы белгіленген.