Тоқаев: Бай мен кедей арасындағы алшақтық жол беруге болмайтындай деңгейге жетті

Қазақстан Президенті Қасым-Жомарт Тоқаев ірі бизнес қауымдастықтарының жетекшілерімен кездесу өткізді.

Мемлекет басшысы қаңтардың басында болған қайғылы оқиғалар жылдар бойы қордаланып келе жатқан мәселелерді әшкерелеп бергенін айтты. Сондықтан бүгінде бүкіл қоғамдық құрылымды терең өзгертудің стратегиялық міндеті тұр.

Қазақстан Президенті Қасым-Жомарт Тоқаев:

Бізге Қазақстан азаматтарының тілектері мен мүдделеріне жауап беретін нақты реформалар қажет. Ел өзгерді, азаматтарымыздың билікке, экономикалық жүйеге, жалпы өмірге деген көзқарасы өзгерді. 11 қаңтарда парламентте айтқанымдай, бай мен кедей арасындағы алшақтық жол беруге болмайтындай деңгейге жетті. Сыбайлас жемқорлықтың фонында, сіздер жақсы білесіздер, кәсіпкерлер бұл құбылысты жақсы біледі, табыс жағынан мұндай айырмашылық жанған сіріңке мен оқ-дәрі толы бөшке рөлін атқарып, оны содырлар мен террористер, оның артында тұрған қастық ойлаушылар пайдаланып кетті.

Zakon.kz