jasqazaq.kz

Тіл мерекесіне көрме ашылды

08 қыркүйек 2021, 11:14

Бүгін Әл-Фараби атындағы Қазақ ұлттық университетінде Тілдер апталығы аясында «Тіл – ұлттың жаны, әр халықтың байлығы» атты кітап көрмесі ашылды. Шараны Қазақстан халқы тілдері күні мерекесіне орай, Әл-Фараби кітапханасы ұйымдастырды.

Мұндағы мақсат – қазақ тілі мен жазуы, Қазақстан халқының тілдері тарихына қатысты лингвист ғалымдардың іргелі жұмыстарын көпшілікке таныстыру, мемлекеттік тілді білу және елімізді мекендейтін әр халықтың тілін құрметтеу, әлемдік тілдерді үйренуді насихаттау.

Сегіз бөлімнен тұратын көрмеге жалпы кітапхана қорындағы қазақ тіл білімі мен тіл мәселелеріне, түркі және әлемдік тілдер тарихын зерттеуге, тілдерді үйрену мен оқытуға арналған оқу, ғылыми әдебиеттер қойылған.

Мәселен, «Көне түркі тілі мен жазба ескерткіштері» бөлімінде көне түркі жазба ескерткіштеріне арналған еңбектермен қатар, қазақ графикасының, әліппесінің тарихы жайлы кітаптар таныстырылады. Ерекше назар аударатын, сирек кездесетін кітаптардың бірі – Ахмет Байтұрсыновтың 1922, 1926 жылдары жарық көрген «Әліппесі». 116 беттен тұратын еңбекте 128 сурет қолданылған.

«Түркі тілдеріне арналған зерттеулер» бөлімі қазіргі түркі халықтарының, оның ішінде қазақ тілінің түп негізін саралаған еңбектерді қамтиды. Көрменің бұл бөлімінде XIX-XX ғасырлардағы Н.Баскаков, А.Аманжолов, Ғ.Айдаров және т.б. ғалымдардың жазбасымен танысуға болады.
Ал «Қазақ тілі – мемлекеттік тіл» бөліміне Қазақстан Республикасының тіл саясатына, Қазақстанды мекендейтін ұлт-ұлыстардың тілдеріне арналған кітаптар орналастырылса, «Қазақ тіл білімінің мәселелері» бөлімінің басым бөлігін І.Кеңесбаев, С.Исаев, Р.Сыздықова, Ы.Маманов сынды отандық көрнекті ғалымдардың зерттеу кітаптары құрайды. Көпшілік қауым өзге де «Тіл қазынасы – ескі сөз», «Тіл – әлем жылнамасын сақтаушы құрал», «Әлем тілдері», «Тіл мәдениеті» бөлімдерінде сирек әрі құнды кітаптармен танысып, мол мағлұмат табары сөзсіз. Кітап көрмесі апта соңына дейін жалғасады.

Бүгін, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия