
Танымал TikTok қолданушысы, шопан Әбдіқадыр Наурызбек Талдықорғанда ұсталды. Ол жанкүйерлерімен кездесу ұйымдастырған. Бұл туралы Tengrinews.kz хабарлайды.
Оқиға 9 қаңтарда Талдықорғандағы кафелердің бірінде болды, онда бір топ жасөспірім мен шопан бала жиналған. Тәртіп сақшыларының айтуынша, 15 жастағы танымал ТiкТок қолданушысы мекемеде жанкүйерлерімен және жазылушыларымен кездесу өткізген. Барлығы 200-ге жуық адам жиналған.
«Блогерге қатысты материалдар жиналып, шаралар қабылдау үшін Жамбыл облысы полиция департаментінің ювеналды полиция қызметкерлеріне беріледі. Мекеме иелеріне қатысты да ӘҚБтК-нің 425-бабы бойынша әкімшілік хаттама толтырылды», — деп хабарлады Алматы облысы полиция департаментінің баспасөз қызметі өкілдері.
Айта кетейік, Әбдіқадыр Наурызбек ұсталғаннан кейін ТiкТок-та видео жариялап үлгерді. Бұл БАҚ-қа сұхбат беріп жатқан кезінен қысқа бейнеролик.
«Мені алып кетпес бұрын сұхбат бергенмін», — деп жазған ол.
Посмотреть эту публикацию в Instagram