Теңіз вахталық елді мекеніндегі жұмысшылармен Атырау облысы әкімінің бірінші орынбасары Серік Шапкенов кездесті. Бұл туралы облыс әкімдігінен мәлім етті. Бұл туралы ҚазАқпарат хабарлады.
«Сohsolited Contracting Endihering and Prourement S.A.L Offshore» жұмысшыларымен кездесу барысында тұрмыстық жанжалдың ушығуына жол бермеу туралы түсіндіру жүргізіліп, сондай-ақ кен орнында жұмысты ұйымдастыру мәселесі талқыланды. Осы мәселелерді пысықтаумен ведомствоаралық комиссия айналысады, оның құрамына меморгандармен қатар, компания және ТШО өкілдері кіреді», — делінген Атырау облысы әкімдігі мәліметінде. Белгілі болғандай, комиссияға облыс әкімінің бірінші орынбасары С.Шапкенов жетекшілік етеді. «Кездесу қорытындысы бойынша, жұмысшылар өздерінің қызметтеріне кірісті, жағдай тұрақтанды. ТШО медициналық пунктінде 30 адамға көмек көрсетілді. Қазіргі кезде олардың денсаулық жағдайына қатысты ешқандай қауіп жоқ. Қаза болғандар тіркелмеді», — деп атап өтілген таратылған хабарламада.