Таулы Карабақта Әзірбайжан мен армян күштері тағы қақтығысып, бірнеше жауынгер қаза тапты. Әскери қимылдар Лачин ауданында болды, деп хабарлайды «Хабар 24».
Әзірбайжан тарапының мәлімдеуінше, ұрыс танылмаған Таулы Карабақ республикасы күштерінің Әзірбайжан жасақтары бекінісін атқылауынан басталған. Шабуылдан бір сарбаз қаза тапты. Әзірбайжан тарапы қарымта жауап ретінде, қарсы жақтың 2 жауынгерін мерт қылып, 14-ін жаралаған. Бірқатар жотаны бақылауына алғанын айтады. Танылмаған Таулы Карабақ республикасы жартылай мобилизациялау жариялады.