Таразда демалыс кешеніне кіре алмаған жас жігіт күзетшіні пышақтап кетті

Тараздағы сауықтыру орталығында болған текетірес кісі өлімімен аяқтала жаздады. Біреу демалыс орнына баса-көктеп кіріп, күзетшіге бірнеше жерінен пышақ ұрған. Сөйтіп өзі оқиға орнынан із суытыпты.

Атырау облысында еріктілер мыңдаған шабақты қырылудан…
Оқиға адам көп жіретін «Алнұр» бассейнінде болған. Мына кадрларда ішке белгісіз екі азамат кіріп, амандасып болған соң ай-шайға қарамастан күзетшінің біріне бірнеше жерден пышақ ұрғаны көрініп тұр. Сосын олар алды-артына қарамай тайып тұрады. Ал жамбасының екі жерінен жарақат алған 21 жастағы жігіт шұғыл ауруханаға жеткізіліп, оған медициналық көмек көрсетілген. Қазір оның денсаулығына қауіп төніп тұрған жоқ дейді дәрігерлер. Ал тапа-тал түсте адам пышақтаған 19 жастағы жігіт Тараздың тұрғыны екен. Ол көп ұзамай ұсталды. Күдікті әлгіндей әрекетке күзетші демалыс орнына кіргізбей қойғаны үшін барғанын айтқан.

Құндыз Бөгенбаева, Жамбыл облыстық ІІД баспасөз қызметінің жетекші маманы:

-Ол өз кінәсін толық мойындады. Қазіргі уақытта сотқа дейінгі тергеу амалдары жүруде.

Ktk.kz