Тараз қаласының тұрғыны есірткімен ұсталды (видео)

21 жасар азамат есірткімен қолға түсті. 26 қазан күні Экономикалық тергеу қызметінің мамандары Қазығұрт кеден бекетінде Тараз қаласының тұрғынын құрықтады. Бұл туралы tvk-uko.kz хабарлады.

Ол жалпы салмағы 30 граммнан асатын „конабис шайыры „ деп аталатын есірткі затын киім – кешегіне жасырып алып өтпекші болған. Алайда, күдіктінің арам ойы жүзеге аспады. Айта кету керек, егер ұсталған азаматтың қылмысы дәлелденсе, 7 жылдан 12 жылға дейін бас бостандығынан айыру жазасы тағайындалмақ.

Жыл басынан бері Экономикалық тергеу қызметінің мамандарымен бірге есірткі контрабандасының 38 дерегі тіркелген. Нәтижесінде, 537 граммнан астам есірткі заты тәркіленген. Оның ішінде 30 адам астамы Өзбекстан елінің азаматы.