jasqazaq.kz

Тандыр наннан шеге шықты (видео)

19 шiлде 2019, 13:04

Тараз қаласында тандыр наннан шеге шығып, жер­гілікті тұрғындардың жағасын ұстатты. 

Тараз қаласы «Мыңбұлақ» шағын ауданының тұрғыны Лаура Азат­бекова үй маңын­дағы дүкен­нен әдеттегідей нан алып келеді. Түскі ас ішуге қамданғанда, тандыр нанның ортасынан шыққан шегені байқайды. Бұл туралы ҚазАқпарат хабарлады.

Мұндай жағдай болады деп ойламаған тұрғын бұл көріністі дереу бейнекамераға түсіреді. «Ба­лалар үйде болмай қалды. Әйт­песе, олар нанды тіс­теп жегенде не болатын еді?! Енді санэпидқадағалау мекемесі мұндай оқиғаларды болдырмау үшін бәрін қарап, тексеріп шықсын», — дейді ол. Шынында да, ас атасының іші­нен шегенің шығуы — жаға ұс­татарлық жағдай. Елімізде мұн­дай өрескел жағдай бүгін ғана емес, бұрын да болған. Аталмыш дүкенге нан жеткізуші наубайхана шаһардағы бұрын­ғы көк базар маңындағы ескі сарайда орналасқаны белгілі болды. «Біз тек шағымданушылардың арызы бойынша ғана тексеріс жүргізе аламыз. Шағымға байланысты жоспардан тыс тексеріс кезінде нысанда кемшіліктер анықталып жатса, Әкімшілік құқық бұзу туралы кодекстің 425-бабы, 1-бөлімі бойынша хаттама толтырылып, айыппұл салынады. Сондай-ақ кемшіліктерді жою туралы нұсқама беріледі»,- дейді Жамбыл облыстық қоғамдық денсаулық сақтау департаментінің тағам обьектілерін санитарлық-гигиеналық қадағалау бөлімінің басшысы Мағфуза Давилова. ​Алайда, ол жергілікті тиісті мекемелер кәсіпкерлерге тікелей тексеріс жүргізуге дәрменсіз екенін айтады. Ол үшін еліміздегі жеке кәсіпкерлікті қорғайтын заң бойынша прокуратураның арнайы рұқсаты қажет.

https://youtu.be/-dLpQYyJn0Q

20 қараша, 13:54
Шыңғыс Оразалимов: Alem.Cloud ұлттық суперкомпьютері жасанды интеллект пен үлкен деректерді талдау жобаларына қызмет етуде
18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда