jasqazaq.kz

Талдықорғанда жастар арасындағы қылмыс өршіп тұр

27 тамыз 2019, 11:18


Талдықорған қаласында кәмелет жасына толмағандар арасындағы қылмыс артқан.

Бұл туралы қалалық полиция басқармасының басшысы Асқар Нұрсапа мектеп директорларымен кездесу барысында мәлімдеді, деп хабарлайды ҚазАқпарат тілшісі.
Жаңа оқу жылы қарсаңында қалалық тәртіп сақшылары білім басқармасының қызметкерлері, мектеп директорлары және мектепке дейінгі білім беру мекеме жетекшілерімен кездесті. Басты мақсат — оқушылар мен балалардың қауіпсіздігін қамтамасыз етіп, төтенше жағдайлардың алдын алу. «Биылғы жеті айда кәмелет жасына толмағандар арасында 39 қылмыс тіркелген. Бұл өткен жылдың осы мерзімімен салыстырғанда 11 фактіге артық», — дейді полиция басқармасының басшысы А. Нұрсапа. Сондай-ақ, оның мәліметінше, қала аумағында жасөспірімдерге бағытталған 5 жедел алдын-алу шарасы ұйымдастырылған. Нәтижесінде әртүрлі құқық бұзу фактілері бойынша 634 жасөспірім полиция бөлімшесіне жеткізіліп, 445 хаттама толтырылды. ҚР ӘК 442-бабы, 2-тармағы бойынша, яғни балалардың түнгі уақытта заңды өкілісіз жүргені үшін 287 хаттама жазылды. Кәмелет жасына толмағандарға алкоголь өнімін сатқан 12 жағдай тіркелген. Қала жолдарында балалардың қатысуымен 37 жол-көлік оқиғасы болған. Бір бала қайтыс болып, 40 жасөспірім жарақат алған. Кездесу соңында тараптар арасындағы байланысты күшейту мәселесі көтерілді. Ата-аналар мен мұғалімдер, полиция қызметкерлері және әлеуметтік педагогтар мен психологтар бір-бірімен сенімді әрі тығыз қарым-қатынаста болуы тиістігі айтылды. Ювеналды полицейлер мен жол-патруль полицейлердің, учаскелік инспекторлардың ата-аналар жиналысына қатысуы міндеттелді. Сондай-ақ тәртіп сақшыларына мектеп маңында таңертең және екінші ауысым кезінде кезекшілік жүргізу тапсырылды.

20 қараша, 13:54
Шыңғыс Оразалимов: Alem.Cloud ұлттық суперкомпьютері жасанды интеллект пен үлкен деректерді талдау жобаларына қызмет етуде
18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда