Таксиді өткізбей, қымбат көлікті өткізіп жіберді (видео)

Такси жүргізушісі «қоңырау шалу» арқылы блокбекеттен қара джипті өткізген полицейлерді видеоға түсіріп алды. Кадрларға қарағанда, оқиға Ақмола облысында болған.

«Мына машина менімен бірге келді. Полиция қызметкері телефонды алды, қазір оны өткізіп жібереді. Мен ресми таксиде істеймін, тіпті ТЖ кезінде біз өтіп жүрдік. Ал қазір карантин кезінде бізге жүруге рұқсат жоқ. Мен салық төлеймін, ал бұл адам қоңырау шала салды», — деп наразылығын білдірді Instagram-да жарияланған видеоның авторы.

Кей Желі қолдаланушысы джип жүргізушісі мен полицейлерді қолдап, пікір қалдырған. Біреуі авто жүргізушісі осы ауданда тұрады деп болжаса, басқасы қонақ үйге қоңырау шалып, нөмірі брондалғанын дәлелдегісі келген шығар деді.

«Қазіргі уақытта әлеуметтік желі қолдаланушысының видеосы зерттеліп жатыр. Автокөлік иесі мен көлік құралының курорттық аймаққа өту себебі анықталады», — деп түсіндірді Ақмола облысы полиция департаментінің баспасөз қызметі.

 

Посмотреть эту публикацию в Instagram

 

Публикация от Астана | Казахстан |Жалобы (@zhaloby.astana) 24 Июл 2020 в 10:27 PDT

Tengrinews.kz