jasqazaq.kz

Такси жүргізушісі жүріп бара жатқан көлігінен түсіп қалған

29 қазан 2019, 12:32

Түркістан облысында белгісіз адамдар такси жүргізушісін қорқытып, көлігін тартып алған. Бұл туралы өңірлік Полиция департаментінен мәлім етті.

Қазығұрт аудандық полиция бөліміне Ордабасы ауданының тұрғыны арызданған. Ол Шымкент қаласындағы такси фирмасына тиесілі көлікпен жолаушы тасымалымен айналысады. Арызында айтылғандай, белгісіз 2 жас жігіт Қазығұртқа апарып-келуді өтінген. Жолда өзін ұрып-соғып, өлтіремін деп қорқыту арқылы 600 мың теңге талап еткен. Табан астынан ондай ақша тауып бере алмаған соң, автокөлігін күш қолданып, тартып алған. «Жәбірленушінің айтуынша, түнгі сағат 1-2-де жолда жүрген көліктер мен адам аяғы саябырсығаннан кейін қалталарындағы пышақтарымен қорқытып, ақша талап еткен. Ақша болмаған соң, жүргізушіні өлтіреміз деп, күш қолдана бастайды. Осы сәтте жәбірленуші жүріп бара жатқан көліктен түсіп үлгерген. Дене жарақатын алған жүргізуші жолдан көлік тоқтатып, аудандық полиция бөліміне келген. Аудандық полицейлер күдіктілерді ұстау бойынша дереу іске кірісті. Жедел-іздестіру шараларын жүргізді. Жәбірленуші мен куәгерлерден жауап алып, көлікті іздестіре бастады», — делінген облыстық ПД ақпаратында. Нәтижесінде жәбірленушінің көлігі оқиға орнынан 50 шақырым қашықтықта Сарыағаш ауданынан табылды. Күдіктілердің жеке бастары анықталып, біреуі Нұр-Сұлтан қаласына қашып бара жатқан жерінен Қордайдан ұсталды. Ал, екіншісі Шымкент қаласындағы жалдамалы пәтерден құрықталды. Күдікті жас жігіттердің екеуі де Сарығаш ауданының тұрғындары, жұмыссыз болып шықты. Полицейлер табылған көлікті заңды иесіне қайтарды. Аталған факті ҚР ҚК-нің 194-бабы («Қорқытып алу») бойынша тіркеуге алынды. «Күдіктінің екеуі де қамауда. Қазіргі таңда сотқа дейінгі тергеу амалдары жүргізілуде. Түркістан облысы полицейлері азаматтарға жеке бастарыңыздың қауіпсіздігін бірінші орынға қоюға кеңес береді. Алыс сапарларға шығарда, жалғыз жүрмеу керектігін, сырт келбеті күдікті, таныс емес азаматтарға сенім білдірмеу керектігін ескертеді», — деді полициядан.

ҚазАқпарат

20 қараша, 13:54
Шыңғыс Оразалимов: Alem.Cloud ұлттық суперкомпьютері жасанды интеллект пен үлкен деректерді талдау жобаларына қызмет етуде
18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда