Спортшыларымыз әнұранды өздері айтып шықты (видео)

Үндістанның Бангалор қаласында су спортынан Азия чемпионаты жалғасуда. Бұл туралы olympic.kz сайты жазды.

Бірінші ойында су добынан Қазақстан әйелдер құрамасы Қытай командасымен кездесті. Матч дәстүрлі түрде қарсылас елдердің әнұрандарымен басталды. Дыбыстық жабдықтың техникалық ақаулығына байланысты Қазақстан Республикасының әнұраны 8-ші секундта кенеттен үзілді. Алайда команда ойыншылары еш саспастан, әнұранды дауыстап айта бастады. Ал көрермендер қолдау көрсетіп, қол шапалақтады. Олар қыздардың әрекетіне тәнті болды.

Қазақстандықтар ойын барысында да өздерінің ұйымшылдығын көрсетіп, қарсыластарын 11-10 есебімен жеңді.