jasqazaq.kz

Солтүстікте 7 ауыл мектебі жабылып қалды

06 қазан 2022, 11:12

Солтүстік Қазақстан облысында бала санының аздығынан биыл 7 мектеп жұмысын тоқтатты, деп хабарлайды ҚазАқпарат.

СҚО білім басқармасы баспасөз қызметінің мәліметінше, өңірде жаңа оқу жылының алдында 7 мектеп жабылды. Мұнда 1-3 оқушыдан ғана қалған. Олар: Айыртау ауданында Верхнебурлук елді мекенінің бастауыш мектебі, Есіл ауданында Алабие ауылының бастауыш мектебі, Мағжан Жұмабаев ауданындағы Золотая Нива негізгі мектебі, Қызылжар ауданының Новоникольское бастауыш мектебі, Желяков елді мекеніндегі бастауыш мектеп, Ғабит Мүсірепов ауданындағы Литвиновка бастауыш мектебі және Тайынша ауданындағы Краснодольский бастауыш мектебі.

Қазір СҚО-да 465 мектеп болса, соның 75 % — шағын комплектілі. Осы 351 білім ордасының шамамен 160-тан астамында бала саны талапқа сай келмейді.

«ҚР Білім және ғылым министрінің «Халықтың тығыздығына және елді мекендердің қашықтығына қарай білім беру ұйымдары желісінің кепілдік берілген мемлекеттік нормативін бекіту туралы» бұйрығына сәйкес бастауыш мектеп жасындағы балалардың саны 5 және одан көп болғанда, мемлекеттік бастауыш білім беретін ұйымның жұмыс істеуіне кепілдік беріледі. Ал негізгі орта мектеп жұмыс істеуі үшін бала саны 41-ден асуы тиіс. Жалпы орта білім беретін мектеп үшін бала саны 81-ден кем болмауы тиіс. Жабылған мектептердің оқушыларына одан әрі оқу үшін жақын маңдағы мектептерге жеткізу ұйымдастырылды», — дейді облыстық білім басқармасының баспасөз хатшысы Әсел Оразбаева.

Жалпы биыл 306 елді мекеннен 2 785 бала жақын маңдағы ауыл мектептеріне тасымалданып жатыр. Соның шамамен 1,7 мыңын күнделікті апарып-әкеліп тұру қажет. Осы мақсатқа 160-қа жуық арнайы автокөлік алынған, биыл қатары тағы 29 автобуспен толықпақ.

СҚО-да мектептер саны жылдан-жылға азайып келеді. Мамандардың айтуынша, осыдан 10 жыл бұрын өңірде 596 жалпы білім беретін мектеп болса, осы аралықта шамамен 25 % кеміген.

Бүгін, 16:09
Соңғы төрт жылда 14,8 млн гектар жер мемлекет меншігіне өтті
Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр