jasqazaq.kz

Солтүстік Корея тағы да баллистикалық зымырандар ұшырды

06 қазан 2022, 15:06


Солтүстік Корея Жапон теңізіне қарай тағы екі баллистикалық зымыран ұшырды. КХДР СІМ мәлімдегендей, Пхеньян АҚШ пен оның одақтастарының Корей түбегі аймағындағы әрекеттеріне байланысты өз қауіпсіздігін қамтамасыз ету үшін қажетті шараларды қабылдап жатыр, деп хабарлайды ҚазАқпарат Еuronews-ке сілтеме жасап.

Соңғы күндері Солтүстік Кореяның зымыран ұшыруынан кейін аймақтағы жағдай ушығып кетті. БҰҰ Қауіпсіздік Кеңесінің шұғыл отырысында АҚШ-тың тұрақты өкілі Линда Томас-Гринфилд Пхеньянға қатысты санкция режимін күшейтуге шақырды.

«Біз БҰҰ-ға мүше барлық мемлекетті, әсіресе Қауіпсіздік кеңесінің мүшелерін ақылға сыймайтын осы әрекетті айыптауға қосылуға және КХДР-ды өзінің заңсыз қару-жарақ бағдарламаларынан толық, тексерілетін және қайтымсыз түрде бас тартуға, сондай-ақ ядролық қарусыздандыру бағытында дипломатияны қолдануға шақырамыз», — деді БҰҰ жанындағы АҚШ-тың тұрақты өкілі Линда Томас-Гринфилд.

Соған қарамастан Қауіпсіздік кеңесінің отырысы нәтижесіз аяқталды. Ресей мен Қытай АҚШ-тың мәлімдемесіне жауап ретінде Вашингтонды аймақтағы текетіресті күшейтпей, керісінше бітімгершілік жолына түсуге шақырды.

Бұған дейін хабарланғандай, соңғы 5 жыл ішінде алғаш рет 4 қазан күні Солтүстік Корея Жапония аумағы үстінен баллистикалық зымыран ұшырды. Жапония билігі солтүстік-шығыс аймақтардың тұрғындарын уақытша эвакуациялауға және пойыздардың жұмысын тоқтатуға мәжбүр болды.

«КХДР-дің баллистикалық зымырандарын ұшыруы аймақтағы тұрақсыздықтың өсуіне әкелуі мүмкін», — деп атап өтті БҰҰ Қауіпсіздік Кеңесінің отырысында БҰҰ Бас хатшысының Таяу Шығыс, Азия және Тынық мұхиты бойынша көмекшісі Халед Хиари.

Бүгін, 16:09
Соңғы төрт жылда 14,8 млн гектар жер мемлекет меншігіне өтті
Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр