Снюс! Адамда тәуелділік пайда болып, мінез-құлқы өзгереді

Снюсқа ақыры тыйым салынды. Бірақ уақытша. Құрамында никотині бар сағыз сияқты қоспаға қатысты әлеуметтік желілерде шулы видео тараған кезде еліміздің Денсаулық сақтау министрі тыйым салу туралы айтқан болатын. Бұл туралы КТК телеарнасы хабарлады.

Енді ресми қаулы шығып отыр. Бас санитар дәрігер бүгін снюстің қаупін жіпке тізді. Оның біреуінде ғана никотин мөлшері бір тал шылымға қарағанда 100 есе көп екен. Мектеп оқушылары бұған дейін сауда орындарынан және интернет арқылы еш кедергісіз сатып алып жүрген еді. «Химиялық қоспаны тұтынған адамның бойында тәуелділік пайда болып, мінез-құлқында айтарлықтай өзгерістер болады», — дейді мамандар.

Жандарбек Бекшин, ҚР Бас санитар дәрігері:

— 200-250 мг дейін никотиннің мөлшері соған да жетеді. Мысалы, 0,5-1 грамм 1 кг салмағына баланың өлімге әкелуі мүмкін.