jasqazaq.kz

СҚО-да полиция қызметкерінің білегін тістеп алған әйел бір жылға сотталды

21 қыркүйек 2022, 15:06

СҚО-да жыл басынан полицейлерге қатысты күш қолданудың 13 фактісі тіркелді, деп хабарлайды Azattyq Ruhy ІІМ баспасөз қызметіне сілтеме жасап.

Петропавл полицейлері ерлі-зайыптыларды тыныштандыру кезінде қол кісенін қолдануға мәжбүр болды.

Билік өкіліне қатысты күш қолдану – ауыр қылмыстық құқықбұзушылық, ол үшін қатаң жауапкершілік қарастырылған. Тәжірибе көрсеткендей, мұндай жағдайлардың басым көпшілігі көбінесе полиция құқық бұзушылардың маскүнемдік әрекеттерін тоқтатып, оларды медициналық куәландыруға жеткізген кезде жасалады. Ішімдікті асыра сілтеген адамның әрекеттерінің салдары ауыр жайттарға апарып соғуы мүмкін.

Мысалы, маусым айында Петропавл полицейлері ерлі-зайыптыларды тыныштандырып, қол кісенін қолдануға мәжбүр болды. Оқиға сағат 7:00 шамасында қалалық дәмханалардың бірінің жанында болған. Әбден мас болған ер адамның қылығына қарсы полиция әрекет етуге мәжбүр болған. Ер адам медициналық куәландырудан өту туралы заңды талапты орындаудан бас тартқан, сол сәтте әйелі полиция қызметкерінің білегінен тістеп алған.

«Екеуіне де қол кісенін қолдануға тура келді. Сол себепті 38 жастағы қала тұрғыны сотталды. Сот оның қылмыстық жауапкершілікке алғаш рет тартылып отырғанын ескеріп, 1 жылға бас бостандығын шектеу жазасын тағайындады және осы мерзімге пробациялық бақылау орнатты. ҚР Қылмыстық кодексінің 380-бабына сәйкес, билік өкілдеріне қатысты өмірге немесе денсаулыққа қауіпті емес күш қолдану 4 жылға дейінгі мерзімге бас бостандығынан айыруға жазалануы мүмкін екенін есте ұстаған жөн», – дейді СҚО ПД Тергеу басқармасының бастығы Қайрат Қасымбеков.

Жыл басынан бері СҚО-да ҚР ҚК 380-бабы бойынша 13 дерек тіркелді.

Бүгін, 16:09
Соңғы төрт жылда 14,8 млн гектар жер мемлекет меншігіне өтті
Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр