jasqazaq.kz

«СҚ-Фармация» және бірқатар органдар жемқорлыққа қарсы тексеріледі

09 шiлде 2020, 15:14

Сыбайлас жемқорлыққа қарсы қызмет 2020 жылдың 2-ші жартыжылдығында сыбайлас жемқорлық тәуекелдеріне сыртқы талдау жүргізу кестесін жариялады, деп хабарлайды zakon.kz.

Сыбайлас жемқорлыққа қарсы қызмет өз қызметінің ашықтығын арттыру мақсатында ресми сайтқа 2020 жылдың 2-ші жартыжылдығына арналған сыбайлас жемқорлық тәуекелдеріне сыртқы талдау жүргізу кестесін орналастырды (https://www.gov.kz/memleket/entities/anticorruption/documents/details/48621?lang=kk).

Онда ең алдымен барлық өңірлерде орталық аппарат пен департаменттер бір мезгілде жүргізетін «өтпелі» талдаулар көрсетілген.

Сыбайлас жемқорлыққа қарсы іс-қимыл агенттігінің қызметкерлері, сарапшылар қауымдастығының өкілдері мен жұртшылықтың қатысуымен «СҚ-Фармация» ЖШС, ІІМ Көші-қон қызметі комитетінің, Қаржы министрлігінің Ішкі мемлекеттік аудит комитетінің, Сауда және интеграция министрлігінің Техникалық реттеу және метрология комитеті мен Тұтынушылардың құқықтарын қорғау комитетінің, Қорғаныс министрлігінің жергілікті әскери басқару органдарының, Индустрия және инфрақұрылымдық даму министрлігінің Көлік комитеті және Индустриялық даму және өнеркәсіптік қауіпсіздік комитетінің қызметтеріне талдау жүргізеді.

Агенттіктің аумақтық бөлімшелері жүргізетін сыбайлас жемқорлық тәуекелдерінің «бастамашылық» сыртқы талдауларының кестесі де әзірленді. Нысандар өңірлердің ерекшелігін ескере отырып, сыбайлас жемқорлыққа қарсы мониторинг нәтижелері мен азаматтарды толғандыратын өзекті мәселелер негізінде айқындалған.

Агенттік тиісті салалардағы белсенді азаматтар мен сарапшыларды сыбайлас жемқорлық тәуекелдеріне сыртқы талдау жүргізуге тікелей тартылған жұмыс топтарының құрамына шақырады.

Кез келген адам кестеде көрсетілген сыртқы талдау нысандарының құзыретіне кіретін әкімшілік кедергілер туралы мәліметтерді, сондай-ақ сыбайлас жемқорлыққа ықпал ететін себептер мен мән-жайларды жою туралы сындарлы ұсыныстар бере алады.

Егер Сізге сыбайлас жемқорлық туралы белгілі болса, сіз 1424 call-орталығына 24/7 режимінде хабарласа аласыз.

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия