Сиви Махмуди жол апатынан зардап шекті

Әнші Сиви Махмуди жол апатына түсті, — деп  тілшісі СТВ телеарнасының «Территория происшествий» бағдарламасына сілтеме жасап Tengrinews.kz хабарлайды. Жол-көлік оқиғасы әл-Фараби даңғылы мен Ремизовка көшесінің қиылысында болған.

Toyota автокөлігі Ремизовка көшесімен жоғары келе жатып, рөлге ие бола алмай, Porsche көлігіне соқтығысқан. «Нәтижесінде Porsche автокөлігінде отырған адам зардап шеккен. Бүгін таңертең Porsche автокөлігінде әнші Сиви Махмудидің отырғаны белгілі болды. Әнші әртүрлі жарақаттармен ауруғанаға түскен», — делінген хабарламада.

Кейін Сиви Махмудидің көлігіне соқтығысқан Toyota автокөлігінің жүргізушісі мас күйде болғаны анықталды. Әншінің көмекшісі бұл оқиғаға қатысты пікір білдіруден бас тартты.