Сібір таутекесін атқан Испания азаматтары ұсталды

04 тамыз 2022, 10:49

Жетісу облысы Сібір таутекесін атқан Испания азаматтары мен бір қазақстандық ұсталды, деп хабарлайды Azattyq Ruhy.

Жоңғар-Алатау паркінің мемлекеттік инспекторлары Тоқты мемлекеттік табиғи қаумалы аумағынан «Toyota Land Cruiser Prado» маркалы автокөлік тоқтатты. Көлікті тінту барысында жүк салу бөлігінен 2 Сібір таутекесінің терісі мен басы және екі қапқа салынған салмағы 60-62 кг ет табылған. Сондай-ақ екі шет ел азаматына тиесілі маркасы Mannlicher мен Блейзер қару құралдары тәркіленді.

Браконьерлікпен айналысқан Қазақстан азаматы мен Испанияның 2 азаматы ұсталды.

Аталған факті бойынша тергеп тексеру амалдарын жүргізу үшін Жетісу облысы Алакөл аудандық полиция бөліміне жіберілді.