Шымкентте төртінші қабаттан құлаған сәби аман қалды

Шымкентте сәби төртінші қабаттың терезісінен құлап кетіп, ешқандай зардап шеккен жоқ. Облыстық балалар ауруханасының дәрігерлері бұл жағдайды — таңғажайып деп, «баланың басынан бір тал шашы да түспегенін» айтады, — деп хабарлайды Оtyrar.kz сайтына сілтеме жасап tengrinews.kz.

Сәби Шымкенттегі төртінші ықшамауданда орналасқан бесқабатты үйдің төртінші қабатынан абайсызда құлап кеткен. Баланың ешбір жері сынып немесе айтарлықтай сырылмаған. Қазіргі уақытта бір жарым жасар сәби анасымен бірге Нұрсәт ықшамауданындағы балалар ауруханасында жатыр. Аурухана бас дәрігерінің орынбасары Болат Нұсқабаевтың айтуынша, бала алғашқыға көмек көрсетілген және хирургия бөлімінде қаралып жатыр екен.