jasqazaq.kz
Ақпарат агенттігі

Шымкентте Орталық референдум комиссиясы төрағасының қатысуымен семинар-кеңес өтті

24 мамыр, 18:54
43

Шымкентте Орталық референдум комиссиясы төрағасының қатысуымен семинар-кеңес өтті

Бүгін Шымкент қаласындағы М.Әуезов атындағы ОҚУ-інде ҚР Орталық референдум комиссиясының төрағасы Нұрлан Әбдіровтің төрағалығымен республикалық референдумды әзірлеу мен өткізу туралы семинар-кеңес өтті. Оған Шымкент қалалық аумақтық сайлау комиссиялары мен жергілікті атқарушы орган өкілдері қатысты.

–Референдум – бұл тікелей демократияның маңызды институты және халықтың тікелей заң шығаруын білдіреді. Бұл –мемлекет және әрбір жекелеген азамат үшін аса маңызды шешімдер қабылдауға жұртшылықтың қатысуының бір тәсілі,- деді Нұрлан Мәжитұлы.

Н.Әбдіровтың айтуынша, референдумды әзірлеу мен өткізуді референдум комиссиялары жүзеге асырады. Орталық референдум комиссиясы Республикалық референдумды әзірлеу мен өткізу жөніндегі негізгі іс-шаралардың күнтізбелік жоспарын бекіткен. Бүгінде маңызды шараны әзірлеу жұмыстары Қазақстан Республикасының заңдарына және күнтізбелік жоспарға сәйкес жүргізіліп жатыр.

Шымкентте Орталық референдум комиссиясы төрағасының қатысуымен семинар-кеңес өтті

Семинар-кеңес барысында ҚР Орталық референдум комиссиясының хатшысы Мұхтар Ерман, Шымкент қаласы әкімінің орынбасары Ерғали Білісбеков, Шымкент қалалық референдум комиссиясының төрағасы Қайырбек Құнанбаев және өзгелер сөз сөйлеп, дайындық жұмыстары туралы баяндады.

Айта кетейік, Шымкент қаласында 317 референдум комиссиясы жұмыс істейді. Оның 1-еуі қалалық-аумақтық, 4-еуі аудандық-аумақтық және қалған 312-сі учаскелік референдум комиссиялары.

Шымкентте республикалық референдум өткізуге байланысты тексеру сервисі істейді. Дауыс беру құқығына ие азаматтар енді сол арқылы өздерінің тізімде бар-жоғын алдын ала анықтай алады. Сондай-ақ шаһарда мүмкіндігі шектеулі азаматтардың дауыс беру учаскелеріне келуіне барынша қолайлы жағдай жасалып жатыр. Оларды жеткізу, үйіне апарып салу үшін 55 инва-такси жұмыс істейді.

Тоқтар Жақаш

01 шiлде, 12:24
Қарт Каспий шексіз мүмкіндіктерге жол ашады
17 маусым, 11:45
Мақұлықтың мәртебесі адамнан артық па?
17 маусым, 11:41
Білім саласында біз еліктемеген ел жоқ
17 маусым, 11:37
Ұлтты ұйыстырған Ұлытау
17 маусым, 11:33
Алматыда қант бар, бірақ қымбат
17 маусым, 11:25
Эллиндер елінде
10 маусым, 11:38
Өзара ықпалдастық өрісті кеңейтеді
10 маусым, 11:35
Ортақ өгізден – оңаша бұзауға