
Шымкентте кісі өліміне күдікті ретінде шетелдік жұмыс беруші қамауға алынды , деп хабарлайды ҚазАқпарат.
Оқиға шілде айында болған. Қаратау аудандық полиция басқармасына 15 жастағы қыздың ата-анасы хабарласып, ол жұмыс орнында электр тоғының соғуынан қайтыс болғаны туралы арызданған. Сол сәтте Аталған жайтты полиция қызметкерлері ҚР ҚК-нің 156-бабымен (Еңбекті қорғау қағидаларын бұзу) бойынша тіркеп, сараптамалар тағайындаған.
«Қылмыстық іс барысында күдікті шетелдік азамат, нақтырақ айтқанда пәкістандық болғандықтан, тергеу амалдары біршама уақытты алды. Парсы тілінің аудармашы-маманының қатысуымен тергеушілер барлық қажетті процессуалдық іс-әрекеттерді жүргізді. Күдікті Пәкістан азаматы уақытша ұстау изоляторына қамауға алынды» — делінген Шымкент қаласы полиция департаментінің ресми өкілі таратқан хабарламада.
Сондай-ақ, электр-техникалық сараптама нәтижелері дайын болған соң, іс сотқа жолданатын болады.