jasqazaq.kz

Шымкент тұрғыны жұрт жоғалтқан куәліктерді пайдаланып, онлайн 51 несие ресімдеген

12 қазан 2022, 17:02


Солтүстік Қазақстан облысының полицейлері жұрттың жоғалтқан жеке куәліктерін пайдаланып, олардың атына 51 несиені онлайын ресімдеген Шымкент тұрғынын анықтап, ұстады, деп хабарлайды ҚазАқпарат.

СҚО полиция департаменті баспасөз қызметінің мәліметінше, солтүстікқазақстандық полицейлер қызметтік іссапар кезінде ер адамды ұстады. Шымкент қаласының 33 жастағы тұрғыны жоғалған жеке куәліктер туралы ақпаратты әлеуметтік желідегі хабарландырулардан алғанын мойындады. Ол мәліметтерді қолданып, жәбірленушілердің атына онлайн-несие, әдетте бір адамға 100 000 теңгеден ресімдеген. Осылайша, алаяқ 51 несие ресімдеп, 5 миллион теңгеден астам қаражатты иемденген. Жәбірленушілердің арасында СҚО тұрғындары да болған.

Сот оған 4 жылға бас бостандығынан айыру жазасын кесті.

Осыған орай полицейлер интернет арқылы ешкімге жеке құжаттардың суретін жібермеуге кеңес береді.

Мәселен, біреудің жеке куәлігін тауып алған жағдайда, оның фотосын әлеуметтік желілерде жеке деректерін жасырмай жариялауға болмайды. Көп жағдайда киберқылмыскерлер интернет желісінде осындай фотоларды аңдып жүреді. Оларды басқа біреулерді алдаған кезде, мәселен, өздерін бөтен адамдардың атынан таныстырғанда немесе несие алғанда пайдаланады.

«Құқық қорғау органдары шағын қаржы ұйымдары иелерімен жасаған уағдаластықтың арқасында соңғы кезде қашықтан несие алу рәсіміне сенім артты, алайда, сақ болу қажет. Жеке деректеріңізді, құпиясөздер, пин-код, банк картасының сыртындағы CVV-кодты, смс-хабарламамен келетін бір жолғы кіру қодтарын құпия сақтауға кеңес береміз», — дейді СҚО Полиция департаменті криминалдық полиция басқармасының бастығы Марат Жұмалиев.

Бүгін, 16:09
Соңғы төрт жылда 14,8 млн гектар жер мемлекет меншігіне өтті
Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр