Шымкент тұрғыны ингавиринді заңсыз сатқан

Препарат жетіспеушілігі демекші, Шымкент тұрғыны қазір қат дәріге айналған ингавиринді заңсыз сатумен айналысқан, деп хабарлайды «Хабар 24».

Бұл істі қаржы мониторингі комитеті экономикалық тергеу департаментінің қызметкерлері әшкереледі. Жедел іздестіру жұмысының нәтижесінде, Шымкент тұрғынының жалпы құны 200 мың теңгенің дәрісін құжатсыз саудалағаны анықталған. Ол дәрінің бір қорабын 10 мыңға сатқан. Бұл дәріханадағы бағадан бірнеше есеге қымбат. Атап өтейін, денсаулық сақтау министрінің бұйрығымен ингавириннің шекті бағасы бір қорап үшін 5640 теңге болып бекітілген. Қазір осы іс бойынша тергеу басталды.