jasqazaq.kz

Шымкент: Марафонға 5 мың адам қатысты

12 қыркүйек 2022, 14:15

Шымкентте 5-ші рет өткен жүгіру марафоны биыл рекорд орнатты. Оған 5 мыңға жуық азамат қатысты. Оның ішінде 6 жастағы баладан, 76 жастағы қарияға дейін бар.

Салауатты өмір салтын насихаттау мақсатында қолға алынған бұқаралық сайыстың жүлде қорына 11 млн теңге қойылды.

Марафонға әр облыс, қаладан және алыс-жақын шетелдерден атап айтқанда: Ресей, Өзбекстан, Тәжікстан елдерінен келген әуесқой спортшылар бірнеше қашықтық бойынша бақтарын сынады. Ең ұзағы — 42 шақырым. Оны Шохрух Давлатов есімді желаяқ бірінші болып бағындырды. Көрші ел Өзбекстан Республикасынан келген марафоншы аталған аралықты 2 сағат 25 минутта жүгіріп өтті.

Бұдан бөлек, «Beginner» –5 шақырым, «Runner» –10, «Half-Marathon» –21, «Marathon» –42 және «Scandi» (жаяу жүріс) 5 шақырымдық ұйымадстырылып, жеңімпаздар бағалы сыйлақтармен марапатталды. Жалпы марафон бағдарламасына скандинавиялық жүріс пен экиден сынды бағыттар да қосылды.

Алдағы уақытта ұйымдастырушылар спорттық шараны тұрақты түрде өткізіп, оның форматы мен ауқымын кеңейтуді жоспарлауда.

11 қыркүйек күні Әл-Фараби алаңына тек кәсіпқой спортшылар ғана емес, салауатты өмір салтын қолдайтын әрбір тұрғын, спорт жанкүйерлері бақтарын сынады. Жарыста барлық қауіпсіздік талаптары сақталды. Жүгіру марафоны Әл-Фараби алаңынан басталып, сол алаңда өз мәресіне жетті. Жалпы іс-шарада 700-ден астам волонтер қызмет көрсеткен.

Айта кетейік, қалада 10-11 қыркүйек күндері «SHYMKENT MARATHON» шарасының өтуіне байланысты Әл-фараби алаңы уақытша жабылды. Осыған орай, 10 қыркүйек күні 52, 56, 92 маршруттары ұсынылған сызбаға сәйкес, Т.Айбергенов, Республика, Түркістан көшелері арқылы қатынады. Ал марафон ұйымдастырылған 11 қыркүйек күні, сағат 07:00 — 15:00 аралығында, Тәуке хан, Қонаев, Түркістан көшелері арқылы қатынайтын бағыттар Тәуке хан, А.Байтұрсынов, Н.Төреқұлов, М.Дулати, Қазыбек би көшелері арқылы қатынады.

Тоқтар Жақаш

Бүгін, 16:09
Соңғы төрт жылда 14,8 млн гектар жер мемлекет меншігіне өтті
Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр