Шымбұлақта шаңғышы қар көшінінен қайтыс болды

10 наурыз 2022, 15:20

Шымбұлақ тау шаңғы курортына тынығуға келген шаңғышы қар көшкінінің астында қалып қайтыс болды деп хабарлайды «Jas qazaq» сайты «Шымбұлақ» тау шаңғы курорты баспасөз қызметіне сілтеме жасап.

«Шымбұлақ» тау-шаңғы курортының баспасөз қызметінің хабарлауынша, 10 наурызда күндізгі сағат 10:58-де Комби-2 тірегінің 8-ден биік текшесінде қар көшкіні жүргені туралы ақпарат берілген. Құтқарушылар жедел жетіп, құтқару жұмысы үш минутқа созылып, қар астында қалған шаңғышыны шығарып алды.

Өкінішке қарай, медициналық пунктке жеткізгенде дәрігерлер шаңғышының жан тапсырғанын айтқан.