Шүкеев көкөністі арзандатуға уәде берді

Премьер-министрдің орынбасары — ауыл шаруашылығы министрі Өмірзақ Шүкеев көтерме орталықтары арқылы көкөніс бағасын төмендетуге уәде берді.

«Шымкентте маусымында сәбіз бағасы (бір келі) 43 теңге болады. Астанаға жеткенше — 150 теңге болады. Үш есе қымбаттайды, себебі арасында делдалдар көп. Сіз бізге ірі қалаларда көтерме-таратушы орталықтар желісін дамытуды тапсырған едіңіз. Бұл бағытта Қарағанды облысы жақсы жұмыс істеп жатыр. Наурызда көтерме-таратушы орталықты 72 мың шаршы метрге жеткіземіз. КТО бірден үш делдалды қысқартады: сатып алушы, көтерме сатып алушы және ұсақ көтерме сатып алушы. Сол кезде ірі қалаларда баға түсетін болады», — деді Шүкеев үкіметтің кеңейтілген отырысында. Президент осы бағытта белсенді жұмыс атқаруды тапсырды. «Егер сіздер егін уақытында қажетті алаңды дайындайтын болсаңыздар, қыстың кезінде де тұрақты бағамен сатуға мүмкіндік аласыздар», — деді Назарбаев. Өмірзақ Шүкеев осындай орталықты Астанада құру жоспары барын айтты.

Tengrinews.kz