jasqazaq.kz

Шомылу маусымы басталғалы бері елімізде 19 бала суға кетті

21 маусым 2022, 15:27

1 маусымда Қазақстанда шомылу маусымы басталды. Осыған орай Төтенше жағдайлар министрлігі брифингте қайғылы жағдайлар бойынша статистика ұсынды, деп хабарлайды Zakon.kz.

ҚР ТЖМ баспасөз қызметі:

Cудағы қауіпсіздік ережелерін сақтамау салдарынан адам өлімі фактілері тіркелді: 81 адам, оның ішінде 32 кәмелетке толмаған бала суға кетті.

Суға шомылу маусымы басталғаннан бері 36 адам суға кетті, оның ішінде 19-ы бала.

Министрлік өкілі атап өткендей, қаза болудың негізгі себептері: жабдықталмаған жерлерде шомылу және балаларды қараусыз қалдыру.

Қайтыс болғандар статистикасы мынандай:

су айдынына абайсызда құлау – 32 адам;

жүзе алмаудан – 18 адам;

мас күйінде шомылудан – 11 адам;

балық аулау кезінде ережелерді бұзудан – 10 адам;

өз күштерін жете бағаламаудан – 9 адам;

жүзу құралын дұрыс пайдаланбаудан – 1 адам.

Өзіңізді, жақындарыңызды және балаларыңызды қорғау үшін судағы қарапайым қауіпсіздік ережелерін қатаң сақтау қажет:

балаларды су айдындарының жанында қараусыз қалдырмаңыз және ересектердің қарауынсыз шомылуға жол бермеңіз;

бейтаныс және шомылуға жабдықталмаған орындарда, сондай-ақ «Шомылуға тыйым салынады», «Сүңгуге тыйым салынады», «Қауіпті!» белгілері орнатылған жерлерде суға түспеңіз;

масаң күйде шомылмаңыз;

жүзудің шекарасын белгілейтін қалытқылардан (буйки) асып кетпеңіз;

шағын көлемді кемелерге және басқа да жүзу құралдарына жақын жүзіп бармаңыз;

тексерілмеген және жабдықталмаған жерлерде сүңгімеңіз;

жүзуге арналмаған заттармен жүзбеңіз;

қайықтардан, катерлерден, айлақтардан, жартастардан, парапеттерден, қоршаулардан және басқа да заттардан, сондай-ақ осы мақсаттарға бейімделмеген құрылыстардан суға секірмеңіз.

Бүгін, 16:09
Соңғы төрт жылда 14,8 млн гектар жер мемлекет меншігіне өтті
Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр