ШҚО-да өртті сөндіруге авиация жұмылдырылды

ШҚО Зайсан ауданында ТЖМ өрт сөндірушілері қамыс пен құрғақ шөптің жануымен күресуде, деп хабарлайды jasqazaq.kz ТЖМ баспасөз өызметіне сілтеме жасап. 

«Жану ошағы жету қиын ашық батпақты жерде орналасқан. ТЖМ мен орманшылардың күштері өртпен күресуде. Өртті сөндіруге ТЖМ, орман шаруашылығы, ЖАО жеке құрамынан 85 адам және 15 бірлік техника жұмылдырылды», — делінген хабарламада.

Сонымен қатар өртті сөндіру үшін Қазақстан ТЖМ мен ЖАО авиациясы жұмылдырылды. Қазавиақұтқару ТЖМ әуе кемесінің бортында 12 құтқарушы бар. Барлық қажетті жабдықтар жүктелген. Авиацияны пайдалану жету қиын жерлерге жедел баруға, ауадан жағдайды барлауға және өрт ошақтарын тиімді жоюға мүмкіндік береді.