Шенеунік әріптестеріне жаңа дипломын көрсетіп, ақша талап еткен

ҚР АШМ Ветеринарлық бақылау және қадағалау комитетінің қалалық инспекциясының басшысы Арман Жанзақов пен оның бағыныстыларына қатысты іс Қостанайдың әдеп кеңесінде қаралды.

Мемлекеттік қызмет істері және сыбайлас жемқорлыққа қарсы іс-қимыл агенттігінің облыстық департаменің баспасөз қызметіне сілтеме жасап. Әдеп жөніндегі кеңестің хатшылығы Сыбайлас жемқорлыққа қарсы қызметтің материалдары бойынша мемлекеттік қызметке нұқсан келтіретін фактіні талқылады. Атап айтқанда, Қостанай қалалық ветеринарлық комитеттің басшысы А.Жанзақов «Аян-Озат» ЖШС өкілі Н.Гандзий, жеке кәсіпкерлер В.Варданян және Е. Дерийден ақша алғаны, сондай-ақ жұмыс орнында әріптестерімен ішімдік ішкені үшін қызмет әдебін бұзған. Бұған қоса, ол қызметтік көлікті жеке мақсаттарына пайдаланып, бағыныстыларына өзінің жаңа дипломын көрсетіп, сол үшін ақша талап еткен. Бейнематериалдарда белгілі болғандай, А.Жанзақов ұлының үйленгенін тойлау үшін жұмыс орнында отырыс жасаған. Шенеунік пен оның әріптестері бұл фактіні жоққа шығармады, алайда А.Жанзақов кәсіпкерлерден ақша алғанын мойындаған жоқ. Этикалық кеңестің мүшелері Арман Жанзақовты қызметтен босатуды ұсынды. Оның бағыныстыларына қатаң сөгіс түрінде тәртіптік жаза қолданылады.

ҚазАқпарат