jasqazaq.kz

Шекті мөлшер: Министрлік пен БЖЗҚ өкілдері енді басқаша сайрады (Видео)

09 желтоқсан 2021, 10:49

Зейнетақы жинағының айналасындағы әңгіме басылар емес. Еңбек министрлігі мен Бірыңғай жинақтаушы зейнетақы қоры кеше ғана жаңа шекті мөлшерін есептеуге қатысы жоғын айтып, бір-біріне сілтеген еді. Енді бүгін басқаша сайрады. Бұл туралы КТК телеарнасы хабарлады.

Әдістемені әзірлеумен Серік Шәпкеновтің ведомствосы айналысады екен. Тіпті бұған дейінгі ресми сайттарында жарияланған ақпаратты жоққа шығарып, жауапты қызметкерлерін жазалап үлгерген.

ҚР Еңбек және халықты әлеуметтік қорғау министрлігі:

— Еңбек және халықты әлеуметтік қорғау министрлігі 2021 жылдың 7 желтоқсанында таратылған баспасөз релизінде зейнетақы жинағының ең төменгі жеткілікті шегін белгілеу мәселесінде министрлік құзыретіне қатысты бұрыс тұжырымға жол берілгенін хабарлайды. 2021 жылғы 8 желтоқсандағы жағдай бойынша әдістемеге өзгерістер енгізілген жоқ және жоспарланбаған, өйткені оның ағымдағы нұсқасы қазақстандықтарға болашақ зейнетақы төлемдерін қолайлы деңгейде қамтамасыз етудің қажетті өлшемдеріне толық сәйкес келеді.

Еңбек министрлігі жеткіліктілік шегі жыл басындағы ең төменгі жалақы мөлшерімен автоматты түрде қайта есептелетінін алға тартады. Келер жылдан бастап ол 42 мың 500 теңгеден 60 мыңға дейін көтеріледі. Ал зейнетақы қорындағы салымның ең төменгі шегін айқындау әдістемесін Үкімет 2021 жылдың қаңтарында бекіткен екен. Министрлік те соған сүйеніпті. Қарапайым тұрғындармен қоса, мәжілісмендер де шенеуніктердің мұндай жауабына қанағаттанған жоқ. Өйткені бұл жалақының нақты мөлшеріне әсер етпейтін есептік көрсеткіш. Депутат Азат Перуашев, еңбек министрлігі мен зейнетақы қорының істеп отырған әрекеті халықты басынғандық деп санайды. Бүгінде 340 мың адам қордағы салымын дер кезінде пайдаланып үлгерген. 2022 жылы зейнетақы жинағының ақшасын тек 180 мың адам ғана шеше алады.

Азат Перуашев, Мәжіліс депутаты:

— Расында, заңда мұндай талап жоқ. Заңда тек төменгі көрсеткіш деген не екені көрсетілген. Оған тек түсініктеме берілген. Ал нақты көрсеткіш тіпті заңмен емес, үкімет шешімі бекітетін және еңбек министрлігі дайындайтын әдістемемен шығарылады. Ал сол әдістемені пайдалана отырып нақты цифрларды салып, сол цифрларды есептеп шығаратын – Бірыңғай зейнетақы қоры. Президент бастамасына бір кедергі сияқты, шектеу сияқты, соған ұқсап тұр.

 

17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр