jasqazaq.kz

Шамалған маңындағы жастар төбелесі: Бір адам жарақат алды

09 наурыз 2022, 12:34

Алматы облысында ауыл жастары топтасып төбелесті. Қатысушылардың бірі ауыр жарақат алып, ауруханаға жатқызылды, деп хабарлайды Stan.kz ақпарат агенттігі Sputnik Қазақстанға сілтеме жасап.

Төбелес болғаны туралы ақпарат әлеуметтік желілерде жарияланды, онда автор құқық қорғау органдары іздеп жатқан күдіктілерге бағыттаманы да жариялады.

Қарасай ауданына қарасты Шамалған ауылының маңында Үшқоңыр және Әйтей ауылдық округтерінен жиналған 30 адамдық топ өзара төбелес ұйымдастырған.

Жаппай төбелеске қатысушылар негізінен 20-30 жас аралығындағы жігіттер болып шықты.

Қақтығыс кезінде екі жақтан да атыс қаруы қолданылған деген ақпарат бар. Жергілікті тұрғындардың бірі бетінен жарақат алып, ауруханаға жатқызылды. Жергілікті билік қақтығыстың себебін анықтап жатыр.

Қарасай ауданының әкімдігі тараған ақпаратты растады. Ведомство оқиға орнына арнайы жасақ күштері қосымша тартылғанын атап өтті.

«Әзірге қақтығысқа 30-ға жуық адам қатысқаны белгілі. Қазір бұл факт бойынша қылмыстық іс қозғалды, оның аясында құқық қорғау органдары оқиғаның барлық қатысушысы мен оның себебін анықтап жатыр», – деді Қарасай аудандық ішкі істер бөлімінің бас маманы Әлихан Қожекеев.

Әкімдік таратқан ақпаратқа сәйкес, оқиға орнынан әртүрлі калибрлі атыс қаруының гильзалары мен оқ-дәрілер және екі көлік табылған.

17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр