Шаһ-Керім: Сәкен Майғазиевтің орнында болсам «Қалаулымның» бірінші қонағы болар едім

«Қалаулым» бағдарламасының бас редакторы Сәкен Майғазиевтің бағдарлама туралы пікіріне жауап берді.

Шаһ-Керім Кәрменов әнші Сәкен Майғазиевтің орнында болса студияның бірінші қонағы болып келетінін жеткізді.

«Біз демократиялық қоғамда өмір сүріп жатырмыз. Әр адамның пікір айтуға құқығы бар. Сәкен Майғазиев біз жайлы айтты ма демек, Сәкен Майғазиев өмірінде бір рет болса да бізді көрді деген сөз. Менің ойымша, Сәкен аға көрмеген затын сынайтын азамат емес», – деді Шаһ-Керім Кәрменов.

Кәрменов Сәкен Майғазиевтің пікірін қуана-қуана қабылдайтынын айтты.

«Мысалы мен Сәкен ағаның орнында болсам, ақсап бара жатқан бір дүниені көрсем және ол дүние маған мүлдем ұнамаса күресудің екі жолы: «Жабыңдар!» деп ұран салу немесе барып өзгерту. Мен керісінше бірінші қонақ болып келетін едім сол бағдарламаға. «Айналайын, Аша, Шах-Керім, қатысушылар, неге бұлай? Оның орнына бұлай жасаңдар, сонда қазақ еліне пайдаларың көбірек тиеді ғой» деген сияқты ой айтуға болады» – деді «Қалаулым» бағдарламасының бас редакторы.

Today.kz