Семейлік әйел медициналық университет грантын 2 млн теңгеге «сатқан», деп хабарлайды ҚазАқпарат.
Шығыс Қазақстан облыстық полиция департаментінің мәліметі бойынша, 6 тамыз күні Семейдегі Әуезов полиция бөліміне 54 жастағы ер адам арыз түсірген. «Шілденің басында семейлік әйел 54 жастағы ер адамнан қызын медициналық университетке тегін оқуға түсіретінін айтып, 2 млн теңге алдап алады. Жедел іздестіру жұмыстарының нәтижесінде 38 жастағы әйел ұсталды. Күдіктінің үстінен ҚР Қылмыстық кодексінің 190 бабының 1 тармағы бойынша сотқа дейінгі тегеу жүріп жатыр», — делінген департаменттің дерегінде.