Сексендегі кейуананың денесін балталап суға ағызып жіберген

Сексендегі кейуананың денесін балталап суға ағызып жіберген Тараздағы каналдан кейуананың бөлшектелген денесі табылды. Қаскөй қылмысын жасыру үшін 80 жастағы зейнеткердің мәйітін балталап суға ағызып жіберген. Бұл туралы КТК телеарнасы хабарлады.

Оның арықта жатқан дене мүшелерін көршілері тауып алып полицейлерге хабар береді. Көп ұзамай, 57 жастағы күдікті ұсталды. Полицейлердің айтуынша, ол – зейнеткердің қайтыс болған баласының досы. Ұлының көзі кеткен соң қартқа қамқоршы ретінде екі жылдан бері үйінде тұрып жатқан. Сезікті үй иесі үйден қуа берген соң осындай қадамға бардым деп түсіндірген. Айта кетейік, күдікті бұған дейін де адам өлтіргені үшін сотталып шығыпты. Енді ол тағы 15 жылға түрмеге жөнелтілуі мүмкін.

Мақсат Ережепов, Жамбыл облыстық ПД тергеу басқармасының бастығы:

— Спирттік ішімдік ішіп отырып жанжалдасып, азаматшаға қол жұмсап қаза келтіргенін анықтап отырмыз. Содан кейін мәйіттен құтылу үшін көшедегі каналға тастаған.