jasqazaq.kz

Сауда үйінің кассасына қарақшылық шабуыл жасалды

10 маусым 2020, 13:56

Батыс Қазақстан облысында ірі сауда орнының бір дүкенінің кассасынан ақшаны қорқыту арқылы ұрлап кеткен күдікті ұсталды.

29 мамыр сағат 11.50 шамасында бойы шамамен 160-170 см болатын, арық денелі, азиат нәсілді белгісіз адам қарақшылық шабуыл жасады. Бет жүзін тұмшалап, қара бетперде киіп, киімдерінің жағасын көтеріп алған. Ол жан-жағында кісі аз екенін байқап, “Зачаганск” ауданындағы бір ірі сауда орынының 2-қабатында орналасқан “Быстрые деньги” кассасының жұмысына пышақ көрсетіп, қорқытқан.

Кассир бойжеткеннің зәресін ұшырып, кассада жиналған 113 мың теңгені және бес литрлік қауырсын ыдысқа салынған темір монеталардан жиналған 10 мың теңгені, “Айфон” маркалы ұялы телефонның наушнигін алып, қашып шыққан.

Кассир полицияға телефон соғып, қарақшылық шабуыл жасалғанын, пышақ ұстаған бейтаныс ер адамның кассадағы ақшаны алып қашқанын айтып берген. 1994 жылғы Л. есімді қызметкерге 122 мың теңге көлемінде материалдық шығын келген еді. Осы оқиғаның ізін суытпау үшін Батыс Қазақстан облысының Полиция департаменті мен Орал қалалық ПБ және Шаған Пб жауапты тәртіп сақшылары іздестіру шараларын дереу қолға алды. Қарақшылық шабуыл жасалған орыннан бейнежазбалар алынды.

Кәсіби шебер жедел уәкілдер көп кешікпей кассаны тонаған Д. есімді күдіктіні ұстады. Ол 1995 жылғы, еш жерде жұмыс жасамайтын, Орал қаласының тұрғыны. Бұған дейін қылмыстық жауапкершілікке тартылмағаны анықталды.

Жедел уәкілдердің алдына келген күдікті кассаны тонағанын, өмір сүру үшін қаражат керек болғасын осындай қылмысқа барғанын толықтай мойындады. Бүгінгі күні күдікті Орал қ.ПБ уақытша ұстау изоляторына қамалды. Айғақ заттар мен бейнетаспа алынды.

Бүгінгі күні Шаған Пб ҚР Қылмыстық кодексінің 192-бабының 2-бөліміне сай қылмыстық іс қозғалды. Тергеушілер істі тергеп жатыр.

Ақпарат көзі Polisia.kz

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия