Сауд Арабиясына қар жауды

Сауд Арабиясының тұрғындары жылына бірнеше апта қардың қызығына бөленетін көрінеді, деп хабарлайды Stan.kz.

2020 жыл да арабтар үшін қар әкелді. 12 қаңтар күні Табук првинциясының таулы аймағына қалың қар түсіпті. Жергілікті тұрғындар мен туристер бұл қызыққа куә болу үшін Жәбәл-әл-Лауз тауына асығуда. Қардың қалыңдығы соншалықты тауда шаңғы мен шана тебуге болады. Біреулер тіпті тауға түнеу үшін де барған.

Такутағы туризм басқармасының өкілі Уаиль әл-Хәлди қардың түсуі туристер мен тұрғындардың назарын аударып келеді. Жергілікті ауа райын болжаушылардың мәлімдеуінше қардың арты, жауын-шашынға ұласады екен.

«Бұл жылы қардың түсуі оқушылардың демалысымен дәлме-дәл келді, сонымен қатар басқа аймақтардан туристер жиналатына сенімдіміз», — дейді әл-Хәлди.

Дегенмен осы аймаққа қардың жауғаны ерекше құбылыстың нышаны көрінеді. Жергілікті тұрғындардың кейбіреулері қарды алғашқы рет осыжылы көріпті. Ал шөл даланы мекендейтін жануарлар үшін бұл ауа райының бірқатар қолайсыздық тудыратыны сөзсіз.