Сатып алған дипломмен сабақ беріп келген

Рудныйдағы жеті ұстаз дипломды сатып алып, мектепте бала тәрбиелеп жүрген. Енді олардың ісін тергеушілер қарап жатыр.

Қостанайдағы Ішкі істер департаменті мұндай заңсыздықты 4 мектептен анықтаған. Олардың барлығы да дипломды Алтынсарин атындағы Арқалықтағы мемлекеттік педогогикалық институттан алыпты. Алаяқ ұстаздар мектепте орыс тілі, ағылшын тілі, дене тәрбиесі сынды пәндерден сабақ беріп жүрген.

«Нәтижесінде мемлекеттік қызметкер атанған алаяқтарға бюджеттен 6 миллионнан астам жалақы төленген. Оның 1.5 миллионы қазір мемлекет қазынасына қайтарылды»,-дейді облыстық прокуратура қызметкері.

Қазір мұғалімдердің дипломды қайдан сатып алғаны, оларға көмектескен адамдар анықталып жатыр.

stan.kz