jasqazaq.kz

«Satti» отандық бұрғылау қондырғысы Каспий теңізінің әзірбайжандық бөлігінде ұңғымаларды бұрғылайтын болады

27 ақпан 2021, 10:47

2021 жылғы 25 ақпанда Дубай қаласында «ҚазМұнайГаз» ҰК АҚ (бұдан әрі – ҚМГ) және Әзірбайжан Республикасының Мемлекеттік мұнай компаниясы (бұдан әрі – SOCAR) Каспий теңізінің әзірбайжандық секторында өзі көтерілетін қалқымалы «Satti» бұрғылау қондырғысын (бұдан әрі – «Satti» қондырғысы) бірлесіп пайдалану туралы келісімге келді.

«KMG Drilling&Services» ЖШС (ҚМГ еншілес кәсіпорны) мен «Caspian Drilling Company Ltd» (SOCAR еншілес ұйымы) арасындағы бірлескен қызмет туралы келісім «Satti» қондырғысын пайдалана отырып, Каспий теңізінің әзірбайжандық бөлігіндегі Shallow Water Absheron Peninsula құрылымында 2 барлау және 1 опциондық ұңғыманы бұрғылауды көздейді. Құжатқа қол қою рәсіміне «Самұрық-Қазына» АҚ басшысы Ахметжан Есімов және ҚМГ Басқарма төрағасы Алик Айдарбаев қатысты.

«Satti» қондырғысы – бұл Қазақстанда құрастырылған алғашқы теңіздегі бұрғылау қондырғысы. Ол Каспий теңізінде 80 метрге дейінгі тереңдікте бұрғылау жұмыстарын жүргізуге арналған.

Еске сала кетейік, 2019 жылғы 19 маусымда «Satti» қондырғысы «KMG Drilling&Services» ЖШС мен «Caspian Drilling Company Ltd» арасындағы сенімді басқару келісімшартының аясында Баку қаласына жеткізілді. Келісімшартқа сәйкес бұрғылау қондырғысы жетілдірілетін болады. Нәтижесінде ол 6 000 метрден астам тереңдікте барлау ұңғымаларын қауіпсіз әрі тиімді бұрғылауды қамтамасыз етуге мүмкіндік береді.

ҚМГ өкілдері атап өткендей, мұндай жобаларға қатысу отандық мұнай-газ саласының бәсекеге қабілеттілігін арттырып, теңізде бұрғылау жұмыстарын жүргізу ауқымын кеңейтуге жол ашады.

Бүгін, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия