Саранда танкіге Z белгісін жазып кеткен ер адам ұсталды

30 шiлде 2022, 12:02

Қарағанды облысының полицейлері Саран қаласында танкіге Z белгісін жазып кеткен ер адамды анықтады, — деп хабарлайды Tengrinews.kz.

Жазудың авторы 54 жастағы қала тұрғыны болып шықты. Оған қатысты ҚР ӘҚБтК-нің 434-бабы «Ұсақ бұзақылық» бойынша әкімшілік хаттама толтырылды.

«Шешім қабылдау үшін материал сотқа жөнелтіледі», — деді Қарағанды облысы Полиция департаментінің баспасөз қызметі өкілдері.

Ұсақ бұзақылық жасаған адамға 5 АЕК (15 315 теңге) көлемінде айыппұл салынады немесе он тәулікке дейін әкімшілік қамауға алынады.

Еске салайық, бұған дейін Қарағанды облысының Саран қаласында белгісіз біреулер танкіге Z белгісін жазып кеткені туралы хабарланған болатын. Танк Ұлы Отан соғысында қаза тапқан батырларға арналған мемориал маңына қойылған.