Облыс басшысы бүгін сенбілік өтіп жатқан учаскелерді өзі аралап шықты. Көше бойында орналасқан бизнес нысандарына да ат басын бұрып, олардың не себепті жақын маңда тазалық шараларын қолға алмағанын сұрады.
«Ақтөбе біздің ортақ үйіміз. Тазалыққа барлығымыз жауаптымыз», — деп атап өтті ол. Ертемен шығып, дүкен, дәмхана айналасын тазартқан кәсіпкерлер де болды. Олар, әрине, облыс басшысынан мақтау естіді. Сенбілікке даяшылар мен аспаздар да шықты. Қаладағы мейрамханалардың бірінің басшысы Мехмет Қаракуш есімді түрік азаматы Ақтөбеде биыл қыстың қатты әрі ұзақ болғанын айтады.
— Ақтөбенің орталығында орналасқан соң, бізде қысы-жазы тазалық жұмыстары жүргізіледі. Меймандар Қазақстанның өзге қалаларынан ғана емес, алыс та жақын шет мемлекеттерден келіп жатыр, — деді ол.
Өз кезегінде, облыстық ардагерлер кеңесінің төрағасы Кеңес Бірманов қаладағы жасыл жерек паркін қайта жаңарту керектігін жеткізді.
— Бұл ағаштарды 1970-ші жылдары отырғыздық. Қарағаштар 35-40 жылда ескіреді, — деді ақсақал.
Асқар Ақтілеу
Ақтөбе
WhatsApp: +7 705 717 9113
