Салынып бітпеген ғимарат өртенді (видео)

25 маусым 2018, 10:33

Алматыда салынып жатқан көпқабатты ғимарат өртенді, — деп хабарлайды Tengrinews.kz. 24 маусымда кешкі сағат 20.44-те Абай мен Гагарин даңғылдарының қиылысында орналасқан құрылыста өрт шыққан. Ғимарат «Ордасы» ЖШС-не тиесілі.

«Оқиға салынып жатқан 18 қабатты пәтерде болған. Көпқабатты пәтердің 9, 11, 14-қабаттарында от тұтанған. 15 шаршы метр жерді жалын шарпыған. Өрт 21.02-де ауыздықталып, 21.34-те сөндірілген. Өрттің себебі — дәнекерлеу жұмысындағы қауіпсіздік ережелерінің сақталмауы. Оқиға орнына 21 өрт сөндірушісі аттанып, 9 өрт сөндіру құрылғысы пайдаланылды», — деп хабарлайды ҚР ТЖМ Төтенше жағдайлар жөніндегі комитеті.

https://youtu.be/nke-dVrY2iU