jasqazaq.kz

«Сайран» автовокзалы заңсыз тасымал салдарынан шығынға батты

18 қыркүйек 2020, 10:46

«Сайран» автовокзалы заңсыз тасымалдаушылардың салдарынан шығынға батып отыр. Бұл туралы «Алматы» телеарнасына сілтеме жасап Tengrinews.kz хабарлайды.

Көлеңкелі бизнес жүргізетіндер автовокзалдың маңынан тұрақ тауып алады да, жолаушыларды кассаға жеткізбей алып кетеді. Салдарынан ресми пунктен жүретін тасымал он есе азайды.

Заңсыз тасымалдайтындардың жолақысы арзандау. Сондықтан автовокзалдың көліктері бар болғаны 20 пайызға толады. Ұзақ карантиннен зардап шеккен заңды тасымалдаушылар тағы шығынға батты.

«Қазір 4-5 адам, әрі кетсе 10 адам жүреді. Бұл — 50 орындық автобус. Кейде 15 адам болуы мүмкін. Өйткені олар барлық жолаушыны алып кетеді», — деді «Сайран» автовокзалында тасымал қызметінің бастығы Ерлан Әбілдаев.

Сондай-ақ сарапшылар заңсыз тасымалдаушылар жолаушылардың өміріне қауіп төндіретінін ескертті. Олардың лицензиясы жоқ, ал жүргізушілері медициналық тексерістен өтпейді. Автобустарын да рейс алдында ешкім тексермейді. Санитарлық талаптар туралы айтудың да керегі жоқ.

«Заңсыз тасымалдаушылар көлігін «Сайран» территориясынан тыс, бірақ жақын жерге заңсыз тұраққа қояды. Мұндай тасымалдаушы санитарлық процедуралардан өтпейді, көлік техникалық талаптарға сай ма — белгісіз. Осылайша олар қауіп төндіреді — жол-көлік оқиғасына әкеп соғады», — деді Көліктік бақылау инспекциясының жетекші маманы Ерлан Жүсіпов.

Карантин басынан бері 31 заңсыз тасымалдаушыға қатысты хаттама толтырылған. Қазір көлеңкелі бизнесті толық тоқтату мүмкін емес, бірақ шешім табылған. Сарапшылар автовокзал периметрінде «Сергек» камераларын қойып, заңсыз бизнесті тіркеуді ұсынды.

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия