Сағынтаев «Нұрлы жер» бағдарламасын бақылауды орынбасарына тапсырды

Бүгін үкімет отырысында «Нұрлы жер» бағдарламасының орындалу барысына қатысты мәселелр қаралған болатын. Премьер-Министр Бақытжан Сағынтаев бірінші орынбасары Асқар Маминге бұл бағдарламаның орындалуын бақылауды тапсырды.

Үкімет басшысы өңірлердегі бұл бағдарламаның сұранысқа сай жүрілмей отырғандығын сынға алды. Сонымен қатар мектеп жетіспеушілі жайлы Парламент депутаттарының да мәселе көтеріп келе жатқандығын еске салып өтті.

«Алматы облысында 37 мыңға жуық адам кезекте тұрған болса, жылдық жоспар 82 пәтер ғана. Қарағанды облысында кезекте 35 мың адам тұрса, жылдың ішінде 387 пәтер ескерілген. Маңғыстау облысында кезекке 17 мың тіркелсе, жылдық жоспар — 1 132. Ал Ақтөбеде кезекте 26 мың адам тұрған болса, жылдық жоспар 2 600-ге тең», –деді Б.Сағынтаев.

Үкімет басшысы жұмысты дұрыс жүргізе алмаған өлкелерге 2018 жылы қаржыны қысқарту жайлы да ескертті. «Сонымен қатар биыл жұмыстарды тиісті деңгейде атқара алмаған бюджеттік бағдарлармалар әкімшілеріне 2018 жылы қаржыны қысқарту бойынша ұсыныс енгізіңіздер», – деп тапсырды Премьер-Министр.

Бейбіт Тоқтарбай

Астана