Садриддин Ахмедов жастар арасында WBC чемпионы атанды

27 қантар 2019, 11:51

Әуесқой бокстан жастар арасында әлем чемпионы атанып үлгерген қазақстандық Садриддин Ахмедов кәсіпқой бокстағы жолын да сәтті жалғастырып келеді. Бүгін Канадада ол мексикалық Абрахам Хуаресті жеңіп, кәсіпқой бокстан WBC нұсқасы бойынша жастар арасында чемпион атағына ие болды.

Бұл Садриддиннің кәсіпқой бокстағы жетінші жекпе-жегі және оның бәрінде қазақ боксшысы нокаутпен жеңіске жеткен. Бүгінгі 10 раундқа жоспарланған кездесуді де небәрі ол төртінші раундта аяқтады. Оның қарсыласы екі рет нокдаун алғаннан кейін рефери жекпе-жекті тоөтатуға мәжбүр болды.

Садриддин Ахмедов қазіргі таңда Канадада Eye of the Tiger Management промоутерлік компаниясымен бірге жұмыс істеп жатыр. 2016 жылы ол әуесқой бокстан жастар арасында әлем чемпионы атанған болатын.