Сәбиін көршісіне тастап, жоғалып кетті

03 қараша 2021, 16:32

Павлодарда 37 жастағы әйел алты айлық баласын көршісіне тастап, өзі жоғалып кеткен.

26 қазанда баланың әкесі полицияға жүгінді. Оның айтуынша, әйелі үш күн бойы қоңырауға жауап бермеген, ал қызын көршісіне қалдырып кеткелі бір апта болған.

Баланың анасы 29 қазанда табылды.

Әлгі әйел баладан да, отбасылық қиындықтардан да әбден шаршағанын айтты. Сол себепті баланы көршісіне тастап, басқа еркектермен арақ ішіп, көңіл көтерген. Емшектегі қызын тіпті сағынбаған, — деп атап өтті баспасөз қызметі.
37 жастағы әйел күйеуімен жиі жанжалдасады екен. Екеуінің ортақ бір баласы бар. Бірақ оның тәрбиесіне екеуі де көңіл бөлмейді.

Тәртіп сақшылары баланы сәбилер үйіне жіберетінін айтты.

Әйелге қатысты ҚР ӘҚБтК-нің 127-бабы бойынша әкімшілік материал сотқа жіберілді, — деді ПД.

Zakon.kz