Роналдиньо жалған төлқұжатты қолданғаны үшін түрмеге қамалды

Жұма күні Парагвайдың құқық қорғау органдары Бразилия құрамасының бұрынғы ойыншысы Рональдиноны республика аумағына кіру үшін жалған құжаттармен жүргені туралы істі тергеу аясында әкімшілік қамауға алды. Бұл туралы ABC Color газетіне сілтеме жасап ҚазАқпарат хабарлайды.

Басылымның жазуынша, Роналдиньо өзінің ағасы және агенті Робертомен бірге Парагвай ұлттық полициясының қабылдау бөлімінде. Прокуратураның талабы бойынша оларды қонақүйден жеткізген.

Сәрсенбі күні кешке спортшы орналасқан қонақүй бөлмесінде тінту жүргізіліп, оның барысында құқық қорғаушылар Роналдиньо және оның ағасы Робертоның атына жазылған жалған төлқұжаттарды анықтаған. Екеуі де ұсталған болатын.